Përgatitja për mësimdhënie dhe udhëheqje

/ Mirë se vini në CD-në e burimeve:

"Përgatitja për mësimdhënie dhe udhëheqje – Materiale trajnimi për udhëheqësit e shkollave dhe mësimdhënësit e AP"

Arsimimi profesional i Republikës së Kosovës momentalisht është në një proces reformimi. Arsimimi profesional duhet të përshtatet më mirë nevojave të ekonomisë dhe në këtë mënyrë të kontribuoj në përmirësimin e aftësisë për punësim të të diplomuarve, të kontribuoj në rritjen e aftësisë së tërheqjes së investitorëve në Kosovës dhe të mbështes lëvizshmërinë e punëtorëve. Cilësia dhe efektshmëria janë shumë të rëndësishme, sidomos nëse duhet të njihen diplomat brenda Bashkimit Evropian.

Si pjesë e këtij procesi reformimi janë zhvilluar edhe planprograme të reja mësimore. Ato duhet t’i mbështesin shkollat profesionale publike në përforcimin e aftësimit veprues të absolventëve.

Shumë mësimdhënës dhe instruktor në shkolla profesionale zotërojnë kompetenca solide në fushat e tyre profesionale, falë shkollimit dhe përvojës profesionale të tyre. Për t’i implementuar me sukses planprogramet e reja mësimore i nevojitet secilit instruktor edhe një kompetencë metodike-didaktike. Detyrat e udhëheqjes së shkollës profesionale dhe të drejtorëve do të bëhen gjithënjë e më shumë sfiduese dhe komplekse. Për t’u përgatitur më mirë për përgjegjësitë në rritje, atyre u nevojiten kompetenca shtesë në menaxhimin shkollor.

CD-ja e burimeve është krijuar për këtë qëllim. Ajo përmban një përmbledhje materialesh për trajnimin e mësimdhënësve dhe të personelit udhëheqës nëpër shkolla profesionale në Kosovë. Këto materiale janë zhvilluar dhe provuar nga Ministria e Arsimit, Shkencës dhe Teknologjisë dhe Organizatës Gjermane për Bashkëpunim Teknik (GTZ) (1). Me këtë CD burimesh duam t’i vëmë në dispozicion materialet një rrethi të gjerë të përdoruesve.

// CD-ja e burimeve është ndarë në tri pjesë përmbajtësore:

Përveç tyre mund të gjeni këshilla teknike si dhe të dhëna kontakti të botuesve në seksionin Shënime editoriale & Ndihmë.

// Koment:

Për të mos e shqetësuar rrjedhjen e të lexuarit, nuk përdorim në të gjitha rastet formën femërore dhe mashkullore të emrave brenda fjalisë së njëjtë në CD (psh. mësimdhënësit dhe mësimdhënëset etj.). I përdorim format femërore dhe mashkullore në kuptimin që të dyja përmbajnë edhe gjininë tjetër. Rastet ku bëhet fjalë për vetëm një gjini do të sqarohen paraprakisht.

Materialet trajnuese janë krijuar brenda kornizës dhe mundësive të një projekti. Gjatë përkthimit jemi munduar të ruajmë cilësinë në përmbajtje. Nëse në ndonjë rast kjo nuk ka mund të arrihet në masë të dëshirueshme, ju lutemi për mirëkuptim.